【着埋情侶鞋】一齊跑山!湯怡男性密友曝光

20181115
東網電視
更多新聞短片
今次有圖有真相啦!
英皇藝人湯怡跟洪卓立11年情日前宣布玩完,佢哋曾經以為打風都打唔甩,正因為咁,令粉絲大為震驚,隨即引起很多揣測,甚至兩人同門好友陳家樂都被扯落水,指佢最近頻頻孖住湯怡出席活動而鬧出緋聞。好多粉絲仲抽絲剝繭,想搵出兩人突傳「分」訊的原因。
有讀者向東網爆料,聲稱湯怡有男性密友,兩人穿上情侶波鞋去跑山,還提供兩張照片,兩人都係企隔籬,當中仲見到歌手馮允謙同DJ Donald。據知對方叫Gavin So,原來佢同圈中人都有關係,係王菀之嘅叔仔,即係佢老公Eric So(蘇卓航)嘅胞弟,Gavin任職連鎖食店高層,已婚同有一子,同圈中人蔡穎恩、徐濠縈、DJ細So等人相當熟稔。
湯怡嘅經理人霍汶希回覆:「嗰個朋友我哋都好熟㗎,佢哋只係行山友,而且一直有運動品牌贊助佢哋,所以佢哋都會着呢個品牌去行山、跑步,人哋結咗婚,唔好亂寫。」