《全民造星》Lokman舞出色　威畀家人睇！

ViuTV節目《全民造星》季軍楊樂文（Lokman）舞功了得，原來他在初中已上社區中心的跳舞興趣班，與同學組隊練習和表演，再學街舞，他說：「開頭鍾意跳舞係因為覺得好有型，當我跳咗一段好型嘅舞步就好有成功感。」初時家人並沒反對，但見他日漸投入，便開始擔心其學業，他說：「最後我哋約法三章，我要喺幾年內畀成績佢哋睇，就係咁一直跳到依家。」

Lokman直言從事舞蹈工作不是大家所想般「夢幻」，種種壓力會不停削減對舞蹈的熱情：「認真講，有段時間我跳舞係跳得唔開心，有各種因素令我唔能夠好純粹咁享受舞蹈。」慶幸現在他再次樂在其中，認為跳舞生涯中每一步非常難忘：「參加《全民造星》重新帶番跳舞同表演嗰種好簡單嘅歡樂同成功感畀我。」