下月擺酒!阿嬌積極減磅自爆仲未試婚紗

20181117
東網電視
更多新聞短片
阿嬌透露最近開始減肥,好快已經減咗5、6磅!!!
藝人鍾欣潼(阿嬌)出席公開活動,見她清減不少,阿嬌指近日開始減肥,好快已減掉5、6磅,她謂:「我戒甜、澱粉質同做運動,希望set到目標同大家分享,公司都有幫我拍片。其實我件婚紗條腰位好細,我一直冇試,因為肥就點試都唔好睇,所以我理想係減多10磅。」問到老公可有與她一起減磅?阿嬌坦言他一直有健身習慣,但卻常常打擊其信心:「佢好衰,有時我準備出門口做運動,佢就會話好攰嚟打擊我,本身我都懶,成日會有藉口,所以惟有逼自己減肥,老公逼唔到我。」
對於即將以人妻身份與老公度聖誕,阿嬌笑指現時首要把家中由去年聖誕擺放至今的聖誕樹處理好,再重新布置,更謂:「舊年係佢搵朋友嚟布置,連棵樹都係,今年希望可以一齊布置啦!但香港擺酒後係咪要返台灣都未傾。」談到下月尾便擺喜酒,阿嬌表示近日忙於整理終極賓客名單,估計由她邀請的賓客已接近40圍,當中包括小學及中學同學,不諱言不知不覺愈請愈多人。