「冰鮮肉」孫耀威想出寫真 圓夢開騷爆喊

2018年11月18日 02:02
東網電視
更多新聞短片
等咗25年,激動都好應該。

歌手孫耀威(Eric)於九展完成一連兩場《孫耀威HYSTERIC 演唱會2018》,尾場吸引不少圈中人來捧場包括吳家麗、車婉婉與老公Johnathan、鄭世豪及鄧建泓夫婦,太太陳美詩完騷後才現身。Eric在尾聲時向台下歌迷說:「出年再開演唱會好唔好?放心,出年唔會搞生意,拍完戲會即返嚟!台灣同內地都開好唔好?」終圓演唱會夢,Eric不禁說:「多謝你哋等我25年,唱咗好多舊歌,唱歌時好多回憶,知你哋等呢個演唱會好耐。」

至於Eric被歌迷的熱情多次落淚,尤其Encore唱出《永遠保護你》時,台下觀眾高舉印有「一起跨過1/4世紀,未來繼續撐你」紙條,他即時感動得淚流滿臉相當感動。事後Eric被大家取笑是「喊包」,他坦言第一場時已經爆喊,還以為已有心理準備,但當看到台下歌迷眨眼己經廿多年感覺好特別。他謂:「見到啲Fans由小朋友到結婚做埋媽媽,大家一齊成長,好開心、好感恩。」問到明年開紅館?Eric無奈謂:「紅館呢個場,我都係半放棄狀態,好難抽到,但都有一直入紙,除咗紅館都有申請台北小巨蛋,聽聞出年都有啲機會,兩個場都好想開,因為台灣係出道地方,而香港係我嘅家。」

Eric笑言被Fans投訴騷肌太少:「原本打算今晚唱《浪踏破》時除衫騷肌,點知自己興奮過度又忘記咗,唔緊要喇,等下次啦,一定露。(練得咁Fit得太太可以獨享欣賞?)係呀!被受讚賞,可以去拍番本寫真集,以前後生小鮮肉都拍唔少,依家『冰鮮肉』、『鹵鮮肉』,Fans買嘅話應該唔使蝕本。」

----------------------------
東網巨星開咗ig喇,大家快啲follow啦!
https://bit.ly/2JjSVcr