錦榮行「股惑」 貼身西褲晒無添加翹臀
20181118
東網電視
更多新聞短片
男女網民都話正！
近排有傳台灣天后蔡依林同五月天嘅阿信熱戀，證明大家都非常關心佢dry爆嘅感情生活，因為佢舊愛錦榮都已經有着落，成日畀人發現佢同台模Akemi行得好埋，仲有傳女方已經融入家中，深得錦榮媽媽歡心！其實以錦榮嘅質素，靚仔高大又爆肌，又點會怕冇女友？不過佢又唔會成日恃靚行「胸」狂騷胸肌咁簡單，佢特別高招，得閒玩吓「股惑」，一樣殺晒！
錦榮喺微博放咗張側身相，恤衫西褲打扮，包到冚半忽肌肉都睇唔到，但係一樣令到啲女網民嘩嘩聲，因為佢籮趷趷，網民留言仲話佢個股係優質股，又圓又翹咁話！錦榮講乜？佢話：「今天有工作人員過來跟我說襯衫要塞好，後面都突起來。檢查之後發現是我屁股本身的肉，健康是時尚。」唔怪得有男網民話：「相已是最好的說明了！你真的不用再補充！」
----------------------------
東網巨星開咗ig喇，大家快啲follow啦！