天津逍遙遊 李司棋抖夠先諗接劇

20181118
東網電視
更多新聞短片
李司棋早前返家鄉天津度假,仲影咗好多靚相~
天津出生嘅藝人李司棋,早前同屋企人返家鄉天津度假,由胞妹帶路周圍飲飲食食,尋回昔日兒時回憶。五日四夜嘅旅程中,李司棋除咗品嘗地道美食之外,仲去咗參觀六間藝術館及當地嘅賽馬場,整個旅程既開心又充實。原來此行李司棋除咗係半個遊客身份外,仲擔任天津婦女協會榮譽顧問,希望為天津婦女謀福利、出一分力。
李司棋有份參演嘅劇集《珠光寶氣》早前重播,精湛演技再獲網民激讚,問仲有冇機會睇到佢嘅演出?李司棋就話:「休息多陣先,如果有合適劇本會考慮。」相信一眾影迷都好期待佢嘅演出,希望大家唔使等太耐啦!