傳與張智霖機場嗌交 袁詠儀發文澄清

20181118
東網電視
更多新聞短片
近日有傳靚靚同老公張智霖喺機場嗌交。

藝人袁詠儀(靚靚)向來同老公張智霖(Chilam)係圈中嘅模範夫妻,兩人相知相交17年,恩愛到暈。不過近日有指佢哋兩公婆喺機場行到一前一後、疑似嗌交,向來好少主動澄清嘅靚靚,今日就喺微博發文以正視聽,指呢個傳聞實在太離奇:「每對夫妻都會有相反意見的時候,但我年紀不小了,也懂得兼顧家人及別人感受,有事情回家慢慢處理,又怎能在街大聲吵架,製造聲音汚染了。(以後我會好好檢討走路的速度,不要離老公太遠)祝大家每天健康快樂!」字裏行間力證兩公婆感情冇問題。