大讚新演員！郭可盈自揭唔拍劇之謎

藝人郭可盈下午到上環出席代言美容院簽約儀式，近年淡出幕前、專心照顧女兒的她經常與家人做運動：「有時囡囡上完體育堂會教我拉筋，佢運動好叻。依家好多時代女性都keep得好好，都係美魔女。」談到幕前工作，她坦言過往不時有人邀請拍劇，但她婉拒：「囡囡唔會放過我，好似早兩年有人搵過，後來大家都明白我專注照顧屋企，但間中出席活動就冇乜所謂。」

至於今晚無綫台慶，已多年沒出席的她亦有留意：「愈嚟愈好，新演員都好平均，時代唔同喇，大家可接受新嘢，不過有時夜晚睇劇集重播都幾好呀！」不過她覺得過往劇集較有劇味。