新歌分三部曲！Tim：我未聽過完成版

樂隊Dear Jane、歌手衛蘭（Janice）、洪嘉豪、「最索星二代」林愷鈴（Ashley）及音樂人陳詠謙為最新音樂計劃「不消失戀愛連續」造勢，其中Dear Jane演唱第三部曲《永遠飛行模式》，其歌及MV於今晚活動期間首次播出，主音Tim表示今次合作好新鮮，就連自己都未聽過新歌完成版，感到好期待：「第一次咁樣推新歌，呢3首歌係講述一個愛情故事，一男一女喺唔同世界、環境嘅情感上變化。」演唱第二部曲《掉進海的眼淚》的洪嘉豪續介紹話因為現時好多人玩Social Media，所以故事用IG Story去帶起連貫。

至於Janice就唱首部曲《在月台上等你》，笑言好似幫電影唱主題曲，又大讚洪嘉豪彈琴、唱歌、演戲樣樣都好：「呢次合作好有趣，個Ending都好感動！」問到眾人是否第一次同微電影女主角Ashley見面？Tim聞言就即場同對方打招呼：「真係第一次見，覺得佢喺鏡頭前面好自然、唔做作。（之後嘅MV、甚至3月嘅紅館騷想搵佢幫手？）就咁決定！」Ashley聽到非常開心！