金馬獎男配袁富華返港同鄧萃雯鬥戲

20181120
東網電視
更多新聞短片
袁富華獲金馬獎男配,鄧萃雯握手道賀。

日前勇奪金馬獎最佳男配角獎的袁富華(Ben),返港後立即為ViuTv新劇《婚內情》開工,與鄧萃雯大鬥演技!攝影師更特別「加餸」慶祝他得獎,袁富華笑指已收拾心情,為新工作做準備:「一返到香港就要排舞台劇,之後咪嚟呢度開工,工作都未停過,不過係開心嘅。雖然第一次同雯女合作,不過大家都有講有笑,已經唔記得當中的疲累。」

談到得獎後會否加片酬,袁富華笑言「未諗」,亦對「主角夢」隨緣:「緣分到自然有啦,其實之前都拍咗部電影做主角,不過未上映,其實一切都係等緣分到,我本身好鍾意做戲,所以有冇咩獎都唔緊要,最緊要有戲畀我做。」

新劇與鄧萃雯、林德信首度合作,袁富華大讚有火花:「第一次同雯女合作,因為大家好肯傾,我舞台劇出身,好着重排練搵火花,搵最好嘅演出方法。(拍完有冇得放假?)冇啊,因為我哋做舞台劇,拍完就要埋位閉關排戲,所以一直做落去。」

鄧萃雯為袁富華送上祝福,更大讚對方專業,放心跟對方鬥戲:「因為佢係舞台劇演員,佢哋有個習慣就係會做足功課,嚟到現場見佢準備十足,所以我放心同佢夾唔同火花出嚟。」

另外,台灣方面發布電視收視統計記錄,指頒獎禮最高收視點是袁富華奪「最佳男配角」的一刻。