薛家燕晒公主抱　謝天華：一日只能做一次

藝人薛家燕為《薛家燕愛你無限60年演唱會》與出任個唱嘉賓的謝天華（Michael）一齊排舞，兩人先來個面貼面甫士，勁舞一輪後，最後由Michael「公主抱」起家燕姐，見他谷到一臉通紅汗流浹背，維持數秒才放下她，家燕姐不忍心說：「攞佢命！」Michael索晒氣，家燕謂：「辛苦晒，辛苦晒…！」

但大家沒有放過經典演出，要求Encore，Michael即說：「一日只能做一次，要等24小時之後先得。」就連家燕姐都「心心眼」兼合十求他再抱，搞到Michael要嗌四位壯男旁實，才再來給家燕姐公主抱。

兩人接受訪問，家燕稱是第一日排，只排了數小時，請Michael演出是她要求。Michael說是家燕姐親自打電話來邀請，當然答應，但做她個唱都有壓力，因家燕姐極具份量。家燕姐即問：「體重嗰種份量？」她自言已減了6、7磅，還差3磅目標。

揸咪手仲震緊

為了令觀眾驚喜，公主抱是其中之一，還有其他未能透露。家燕姐更強調服裝方面有些更是她近年很少穿，並指設計師說：「啲布好貴，所以好少布喎！」就是要騷你事業線？Michael插嘴：「家燕姐60年嘅事業喎，你知佢事業心重嘛。」家燕謂：「唔好笑我喇！」Michael謂：「但好多人想睇喎！」

講到公主抱，家燕姐說：「好多人都想抱我㗎，黎小田都想㗎，但怕我跳咗上去，會一齊跌晒落地啫，你知佢唔夠高啦！」Michael即言：「咁如果你兩個就真係危險動作喇，切勿模仿，你睇我，抱完依家隻手揸咪仲震緊。」

----------------------------

東網巨星開咗ig喇，大家快啲follow啦！

https://bit.ly/2JjSVcr