【嘟嘟爆料】“汪阿Tag”原来系咁嚟！

因为一个Tag而成为IG红人嘅汪明荃（汪阿姐），引领全城热玩“汪阿Tag”，喺相片上用手写人名当tag，大家跟还跟，但知唔知点解阿姐当初要咁tag人先？郑裕玲（嘟嘟）就喺节目爆料，原来系因为汪阿姐开咗IG之后，唔少人都叫佢合照后hashtag番佢哋，但阿姐就话：“唔系想领导潮流，成日畀人叫hashtag，我都唔知咩叫hashtag！”而阿姐本身就有个“明荃之友”网站，公务繁忙嘅佢不时出席政商界活动，会同唔少名人合照，所以佢一向都会咁样落名畀“明荃之友”搞手认人上载照片，所以就索性咁样喺ig“tag”人喇！<br/><br/>嘟嘟仲话阿姐亲力亲为，当日夜收工，阿姐就话返屋企“Tag”，点知搞到凌晨点几两点！正所谓“活到老学到老”，阿姐依家玩IG玩到出神入化，仲识得tag“我就是ig红人”，紧贴潮流不特止，识玩一定系做Leader！