《大帥哥》見天！張衞健一席話感人肺腑

藝人張衞健、洪永城、曹永廉、蔡思貝和楊秀惠等現身電視城，為即將推出的劇集《大帥哥》宣傳。無綫兩大高層樂易玲和曾勵珍現身撐場外，有關方面更請來樂隊及軍車接載張衞健出場，期間又舞獅點睛，足證他的地位。

張衞健於台上感性表示：「由開機嗰日開始，我已經唔捨得，因為唔知幾時再以廣東話拍劇，有可能係明年，亦有可能never again！」他接受訪問時說：「頭先我真係眼濕濕，因為真係唔水知幾時再拍。有其他唔係娛樂圈嘅工作等我做，包括慈善及教會嘅事。」

對於今次返港拍劇，他形容為「還畀觀眾」：「當年我拍完《西遊記》就走咗去，好似不辭而別咁，所以好想再拍番一套劇畀大家。（對收視有信心？）冇理講呢啲，因為拍嘅目的唔係為呢樣。（唔再拍好可惜。）我話1年1部嘅話，大家都唔珍惜啦，小食多滋味，等同如果我拍得多，自己都唔珍惜表演機會啦。」