闊太享受人生！何艷娟帶埋媽媽去法國歎酒

前港姐季軍何艷娟（Katherine）「升呢」闊太後不時出外旅遊，享受人生，生活相當寫意。近日Katherine就飛到法國，去到法國當然唔少得要去酒莊品酒，佢就喺社交網分享相片。見到Katherine打扮高貴參加當地嘅酒會，仲拎住支靚酒，佢就話：「Absolutely loves this！」仲大讚支酒有果味，味道嘅層次非常豐富，似乎Katherine都非常有研究！

其實佢老公都非常喜歡紅酒，早年擲7,000萬元收購法國一個高級酒莊，難怪Katherine對紅酒咁熟悉啦！之後，Katherine亦晒出一張同媽媽合照，似乎之此行佢都有帶埋媽媽一同去，果然係孝順女呀！