再同古仔合作　林峯破格演奸角

藝人林峯出席電影煞科宴，因戲中他演奸角，令他如願以償：「入行20年，終於可試一啲以前未試過嘅角色，一直想演精神錯亂、心理變態、精神分裂，今年幾個角色同以前有啲突破，今次係有啲突破，亦係同古仔（古天樂）自《尋秦記》後再合作，當年底或出年年頭嘅一個Warm up。（有冇讚你演技？）佢有教我，終於好多嘢想試，今年開始多番好多機會，剛另一部電影亦煞科，希望畀大家睇同唔嘅嘢，新鮮啲。」問到戲內可有和古仔對打？他謂：「戲入面好多打鬥，近年嘅戲都多打鬥動作，可能觀眾都鍾意睇，本來戲入面我都有啲手下，所以仲諗住唔使點打，點知都係打好多。」要唔要騷Body？他謂：「冇機會，已經肥番啲，其實我一啲都唔瘦，同埋啲角色唔使點除衫，可以正常飲食。」

現林峯已有內地女友張馨月，講到即是拍拖時可以暢快吃喝？他亦默認拍拖，坦言：「呢排工作之餘，生活上都非常好，分配畀屋企人同身邊人，多謝大家關心啦，呢排各方面都非常好。（見你女朋友都好Sweet?）工作以外嘅嘢唔詳盡去講喇，多謝大家關心，希望大家關注新嘅作品，因放咗好多心機。（你唔介意女朋友喺泳池性感放閃？）私人事唔分享啦，一切非常好非常融洽。」最後有指前女友吳千語想求翻撻？他即說：「多謝大家Bye Bye！」

----------------------------

東網巨星開咗ig喇，大家快啲follow啦！

https://bit.ly/2JjSVcr