鄧穎堯宣布懷孕　余香凝陳詩欣爭住剪臍帶

組合Super Girls師妹、模特兒鄧穎堯（YoYo）上年先同富二代俊男Daniel Lee（李浩楠）拉埋天窗，估唔到結婚短短一年佢哋就榮升爸爸媽媽啦。YoYo日前喺社交網晒出一張老公錫肚相，並留言宣布懷孕喜訊：「這個秘密我們都一直忍着不說不提 朋友們都好奇到底我在忙甚麼 今天我想跟大家分享啦～對啊 我在孕育肚裏的小生命 過去這段日子實在十分嗜睡和沒有精神 現在已慢慢回復正常了 每一次產檢和聽到BB心跳都很感動 這不是脂肪 這是我們的BB啊！」

呢日YoYo同兩位好姊妹余香凝及陳詩欣相聚，佢哋都有齊齊摸住孕肚合照，而YoYo仲笑言姊妹太緊張BB，搞到連老公都呷醋：「呢幾個月佢哋兩個都好興奮好緊張 會諗吓使唔使影番輯靚相珍藏 又會諗吓住醫院幾日使唔使陪我『E&J：我哋差在未入去剪臍帶咋！李生：又關你哋事呀？』」