乾隆變慈父　聶遠錫錫阿女網友讚窩心

熱爆古裝劇《延禧攻略》飾演乾隆嘅內地男星聶遠，成為新一代暖爸，皆因佢近日喺內地清談節目夠晒「貼地」，踩住單車接女兒放學，被網友大讚佢夠親民！呢日呢位好爸爸又喺微博放閃，上載張與女兒嘴對嘴錫錫合照並留言：「說過的話，做過的事，走過的路，遇過的人，都是我們以後的回憶。生活需要感動，需要溫暖，謝謝給予我關愛的你們，感恩所有。」唔少網友都話佢同呢個前世情人感情好好，仲話女兒有佢呢個爸爸真係好幸福。