識咗25年！張崇基首度同黎瑞恩合作

歌手張崇基、張崇德今晚舉行25周年演唱會，換上黑、白花紋西裝再上台的崇基、崇德唱畢《燕尾蝶》就迎來嘉賓黎瑞恩（小恩子），身穿閃爆黑銀色裙的小恩子與兩兄弟合唱《長流不息》。崇基、崇德大爆是首次和小恩子合作，建立友誼長達25年：「雖然唔係同公司，但都有約出去玩，我哋每次出碟、開騷佢都會買飛支持，今次唔單止買飛，仲合辦埋今次呢個騷！」小恩子即搞笑話：「有份投資，仲要上嚟唱歌。」說畢就讓崇基、崇德落台換衫，獨唱出名曲《一人有一個夢想》。

二人其後換上黑、金色Bling Bling上衣配銀色Bling Bling褲，與Dancer跳唱出《信者得愛》及《Take It Easy》，將現場氣氛炒至最高點。崇德於台上大騷色士風才藝，聽得台下觀眾如癡如醉。最後二人再次唱出《黑色笑話》，為個唱畫上完美句號。