吳業坤應徵女婿 薛家燕嫌花心另有人選
20181124
東網電視
更多新聞短片
薛家燕好心急喎！
藝人薛家燕現身堪輿大師李居明新片《豬年運程》首映，對於近日在社交網站上載「招親廣告」，似是為大女石佑珊鋪路搵對象，家燕自爆是其構思：「因為珊珊真係好忙，忙到冇時間處理私人事，其實佢都係個靚女，同佢媽咪一樣，應該要似我以前有好多追求者先啱，當年我就話忙工作，媽咪冇幫我招親，所以就幫珊珊招吓囉！」
家燕笑指「廣告」曝光後已獲不少朋友查詢，當中歌手吳業坤亦有份兒：「佢好識搞笑，但一家親唔係咁容易，佢要畀心機加油！（個條件符合？）為人唔錯，都幾細心，但都好多心，有少少問題，我姐夫係心臟科醫生，建議佢去睇吓！」談到洪永城亦有分享該廣告短片，家燕表現興奮謂：「佢都有報告，我之前講過想去北極，佢之後就喺機場買本書送畀我，仲話想同我一齊去，最近我問佢幾時起行，佢就話最想同珊珊去，其實洪永城都唔錯呀！但都要睇睇個心，其實佢哋都只係口花，唔係心多嘅！」
----------------------------
東網巨星開咗ig喇，大家快啲follow啦！