【絕對領域】朱千雪蠱惑紅裙勁搶鏡

2018年11月24日 15:15
東網電視
更多新聞短片
Tracy以一襲紅裙打扮現身,好有聖誕氣氛~

藝人朱千雪(Tracy)以一襲紅裙打扮出席商場活動,身為PhD學生的她着衫都特別醒目,不走大面積性感風,反而在膊頭及大腿位置蠱惑露出「絕對領域」,令人眼前一亮!Tracy表示十分喜歡聖誕節,問她打算如何慶祝?她說:「未諗,因為12月初開始考試,要考到聖誕前,如果考得好聖誕就可以放假,考得唔好就要補考。(有傳你未畢業,就有律師行預留職位畀你?)我個目標係畢業先,完成先搵工,仲要讀埋下年。(留咗位?)畢業先話你知,依家應付咗考試先。(你嘅成績點?)以往成績OK,不過啲同學太後生,個腦轉得好快,希望我唔會太差。」

另外,Tracy即場學煮新加坡美食,她表示喜歡吃新加坡菜,但煮還是第一次,問她是否經常下廚?她坦言:「一年一、兩次,多數係諗唔到送咩禮物畀朋友或男朋友,就會煮一餐。(最拿手咩菜色?)我最近喺網上學整糖醋排骨,男友有試過,佢話OK,咁我就當係拿手。佢煮嘢食好叻,我冇諗過要同佢比較,主要係講心意。」