吳卓林孖女友低調返港「求救」

吳綺莉女兒吳卓林今年四月出走加拿大多倫多，她更稱在當地與網紅女友Andi結婚，並開公司準備大展拳腳！不過，她發展得不太順利，卓林坐食山崩，有指她在溫哥華欠租兩個月，最後要返港求救！

註冊結婚？

今早清晨，有人目擊卓林與Andi秘密回港，並指卓林足足瘦了一個圈，精神不俗。卓林更全程拖實Andi，兩口子又穿上白色情侶鞋兼一起穿唇環，更拖着心心和黑白豹紋行李篋，襯到絕。不過她們似乎有所心事，之後到餐廳坐下等候朋友，最後與朋友傾足一粒鐘。據知，卓林以Surprise來形容跟與Andi註冊結婚一事。講到是否跟父姓？她就予以否認，又話已跟母親吳綺莉有聯絡。

吳綺莉：佢哋搵地方住

東網向吳綺莉求證，她承認卓林已返港：「我個女係返咗嚟。（同Andi一齊返？）係，我今日又要出去做嘢，所以冇講乜嘢。（成半年冇見個女有咩感覺？）佢真係瘦咗好多。（係咪真係結咗婚？）我冇問！」由於她最近接演ViuTV新劇《理想國》，今天正為劇集影造型及唯讀，女兒突然返港，她雖有安排內地經理人去接機，但兩女返到家，她都未能全天候看守女兒，問女兒會留在家住？她說：「佢哋話要搵地方住，咁佢哋都成年人，我都要尊重！」

三方溝通

卓林與Andi返港後，不少傳媒往吳綺莉家等候，今早負責到場接機的吳綺莉內地經理人艾文，亦被內地傳媒追訪，艾文跟內地一位記者進行了交談，當中有提及當時仍在多倫多的卓林，曾跟他討論到泰國發展，亦不排除返娛樂圈發展。他又指卓林已感受到其感情生活暴露在公眾前之反應，令她日後言行更慎重。艾文亦坦言帶兩女返吳家，三方作了面對面的深入溝通，內地記者亦問到生父成龍有否聯絡和暗中幫忙女兒？艾文稱：「沒有！」