老公同場！簡慕華孖「舊愛」戚其義密密吹
20181124
東網電視
更多新聞短片
新歡與「舊愛」同場，難得大家有偈傾！
港姐出身的簡慕華（Rachel），與前無綫金牌監製戚其義的緋聞傳足多年，入行至今亦有不少演出機會，演技早已得到大眾認同。即將踏入「40+2」的Rachel，去年2月離開無綫外闖後，並於同年4月「閃嫁」圈外男友兼中學同學，之後更隨老公到加拿大生活。
最近回歸香港的Rachel日前與老公現身商場超市購物，老公負責推住購物車，兩公婆於超市內四處穿梭，期間有商有量。向來身形Fit爆的Rachel，當日主攻蔬果類食品，不一會已選購了大堆餸菜，當中包括有橙、香蕉、瓜類、飲品及調味料等，未幾見其「舊愛」戚其義前來會合，之後推住購物車「三人行」去超市內的日本餐廳吔拉麵，Rachel坐在中間位置，可謂左右逢源！大部分時間只見Rachel與戚其義吹水，而老公就掛住食甚少搭嘴。
食至尾段，Rachel掉低「舊愛」孖老公繼續去超市掃埋下半場，之後推着大車食品往排隊付款。付款後，兩公婆往停車場將戰利品放在車上，再折返餐廳會合戚其義，然後繼續「三人行」步往戲院方向，站在場邊看人溜冰。
----------------------------
東網巨星開咗ig喇，大家快啲follow啦！