再度入圍爭視后　蔡思貝自嘲未入過五強

藝人蔡思貝憑無綫新劇《大帥哥》有份角逐《萬千星輝頒獎典禮2018》視后及爭奪「最受歡迎電視女角色」，惟她忙於為新劇《機場特警》開工，連入圍記者會也未能出席，她說：「有得提名梗係開心，套劇遲咗播出，希望大家一直睇到頒獎禮啦！但最希望係『大哥』張衞健可以有獎，同埋拎『最佳劇集』，雖然到時只係播咗10集可能會差少少，但最緊要觀眾鍾意嘛！」

非首次獲提名視后的她，笑指從未入過五強，但就大讚今次的角色較以往演過的不同：「今次內斂少少，希望大家睇吓佢嘅心路歷程係幾慘，外表唔會表露出嚟，所以我都幾鍾意。我嘅拉票方式就係叫大家用心睇，同埋都要幫我同余德丞入圍嘅『最受歡迎電視拍檔』拉票，希望大家鍾意我哋兩個?嘩鬼叫嘅組合啦！」