湯洛雯同鄭子邦唔過電　自稱宇宙無敵單身

藝人湯洛雯（靚湯）到太子出席商場聖誕活動，自認貓奴的她與卡通貓不停擺甫合照。受訪時，她強調自己「非常單身」、「宇宙無敵單身」，再度否認撻着姚子羚有米前度「的士邦」鄭子邦：「完全唔係事實，無端端出段咁嘅新聞好奇怪。（當時佢飲醉挨住你借力？）我冇感覺到。」問到二人可有因人緋聞尷尬？她表示沒有：「大家朋友，又唔係事實，不過女仔有呢啲報道始終會唔開心。」

問到跟對方可會過電？靚湯稱不會，因為自己專注工作，不打算發展感情：「我哋只係見過幾次。（報道令發展機會由有變冇？）本身都冇。（咁肯定？）自己感覺呀嘛，大家真係好朋友。（驚嚇怕其他追求者？）咁寫女仔都唔會鍾意，不過都接受自己工作性質會畀人誤解。」提到聖誕將至，她指如果拍完《機場特警》，就打算跟家人去旅行：「想過有雪嘅聖誕。（冇得影泳衣相？）去瑞士！着住泳衣喺雪山嘅露天溫泉影相先型。依家努力請假，叫阿妹買定靚靚泳衣。」