【靚仔專利】空中得米！關楚耀驚嚇走女友
20181126
東網電視
更多新聞短片
佢話自己想低調啲～
歌手關楚耀（Kelvin）憑與星夢歌手譚嘉儀合唱的《Lonely》獲勁歌金曲優秀選第二回會獎項，而一眾星夢歌手周柏豪、吳若希、胡鴻鈞、菊梓喬、鄭俊弘、謝文欣和戴祖儀等共有14.5首歌獲獎相當犀利，反而無綫親生女胡定欣都沒有獎，而容祖兒的《心之科學》亦未有獲獎。
至於久未嘗歌曲獎的Kelvin，剛被踢爆有個空姐女友Joann，記者讚女友腳頭好，Kelvin大方說多謝大家。講到因相機洩「蜜」被揭有女友，是否感失策？他謂：「又冇特別諗呢啲，首先佢又唔係圈內人，都想低調啲處理感情事。（你每次都低調唔到？）講真我都好想認認真真，談一場轟烈戀愛。（你啲戀情仲唔夠轟烈？）但我係咪唱悲情歌太多呢，我都唔想做悲哀代言人，只係想正正經經談戀愛，希望今次唔好嚇走人啦。」但講到女友除了是空姐據悉亦是網絡紅人？Kelvin卻言:「佢又唔係咩網紅，只係多人關注啫，佢有自己工作，同娛樂圈及網紅都全冇關係。」
問到是否低調拍拖1年？他則言現仍是認識當中，估不到已經有新聞，所以都擔心嚇走人。她是空姐，兩人是否機上結識？Kelvin只說：「空中奇緣自己一路都好想發生，覺得每個男士或女士都有幻想過係飛機上面或者異地有呢啲浪漫事情發生囉！（成功咗？）認識咗囉！其實呢幾年感情事都低調處理㗎。（即係之前收收埋埋唔少情事，都幾叻喎？）冇話叻唔叻嘅！」他續說如果結婚一定通知大家。
----------------------------
東網巨星開咗ig喇，大家快啲follow啦！