After 10儲夠10隻歌出大碟

樂隊After 10前身是RedNoon樂隊，主音阿康指他們十多年前學樂器開始就想夾Band，之後簽過幾間唱片公司，但一直未能完成出碟心願，就親自開設公司並推出了兩隻專輯。可惜RedNoon解散了，阿康表示：「以前好想好快成功，自然覺得好多嘢唔順利，又未必做得啱。之後諗番玩音樂其實係想開心，要搵番最初嘅感覺。」期後阿康與成員阿豐、阿偉去旅行，重新審視大家的關係後，就決定繼續夾Band，在2013年組成After 10。

提到阿豐正職從事建築界，阿偉笑言多得這份工帶來很多創作靈感，令他們感受到打工仔的心路歷程，最近幾首歌亦圍繞香港人上班及生活的題材。而新歌《Happy Hour》則重新定義開心時刻，他們認為不只去酒吧才開心，與親友聚會也可以很快樂。另外，他們透露儲夠10隻歌就會推出大碟，以及籌辦五周年音樂會，又笑言：「我哋好Free，成日甩Schedule，但今次應該可以按計劃喺下年搞到騷。」