曾志偉助攻！梁朝偉踩阿B場開金口獻唱

歌手鍾鎮濤（阿B）一連兩場的《故事繼續演唱會》昨晚尾場，來捧場的有梁朝偉（偉仔）、一班阿B的「217」好友包括曾志偉、汪明荃、蔡一傑、陳欣健等，而杜德偉更上台做表演嘉賓獻唱，溫拿成員及似謝賢的梁家輝繼續上台表演。

當阿B台上唱偉仔的經典歌《你是如此難以忘記》時，阿B跟偉仔說：「其實係佢今晚嚟『踢館』！」並叫偉仔先唱，然後他自己再就跟住唱，但偉仔太怕醜而婉拒，由旁邊的太太代唱了幾句，同坐一行的曾志偉亦跟着全場一齊大合唱，不過志偉亦有遞咪給偉仔，本已是口噏噏低聲唱歌的偉仔，在盛情難卻下都唱了一句：「你是如此難以忘記…」，全場立即起哄，氣氛高漲。

譚詠麟（阿倫）就同阿B合唱《愛情陷阱》把氣氛推至更高峰，他叫阿B不用招呼，並說紅館是其「飯堂」，又笑說：「梁家輝尋晚扭親腳，唔知佢第二晚會唔會出現？」點知家輝不但再出現，還跟杜德偉一齊合唱，當然少不了溫拿五個人再合唱，陳友說：「替兄弟高興，佢有咁多朋友支持。」

阿B在慶功宴上，摸住酒杯底表示：「好開心、好開心，最開心係太多朋友支持我喇，我唱完個騷走（紅館）後台走廊，先至知道咁多花牌，我直頭以為自己唱緊夜場。因為我呢兩日個心完全放喺個騷度，冇留意其他嘢，最開心發揮到我嘅超水準，對得住朋友㗎喇，雖然唔係金碧輝煌，但總算係不負眾望。」談及叫不動偉仔上台唱歌，他說：「偉仔唔會唱歌㗎喇，佢嚟玩㗎咋，大家太了解大家嘅性格，佢出現已經係最大嘅support，咁啲朋友好開心，都唔知點還呢啲人情債，唯一我要愈做愈好，不負眾望。」