【9月宣布離婚】張雨綺公開接受前夫追求
20181127
東網電視
更多新聞短片
真係成地花生殼…
世事真係咩都有可能！內地女星張雨綺今年9月被爆中秋節晚上與富商前夫袁巴元持刀家暴，張雨綺喺上海住所和袁巴元發生爭執，有指佢喺家中持生果刀劃傷男方背部，傷口達一厘米，仲搞到報警收場，翌日就透過經理人宣布離婚，連二人住處豪宅思南公館都放埋租，兩年婚姻Bye bye。不過到咗本月初，兩人忽然翹手行街狀甚親密，即傳出二人復合。
家暴事件發生短短兩個月，劇情峰迴路轉！到咗今日（27日）一早，張雨綺就喺微博公開發文：「一個單身女人是可以接受全世界單身男人的追求的 ，包括她的前夫」Wait？！即係……間接對外表示接受前夫追求，雖然佢未有指係邊位前夫，不過睇嚟答案都好呼之欲出。而發文唔夠半個鐘，就已經吸咗逾3萬個like，睇嚟網友都食住花生等聽到佢哋公布復合嘅好消息喇！
----------------------------
東網巨星開咗ig喇，大家快啲follow啦！