同磅數出世!董敏莉特登揀生日開刀誕女

2018年11月27日 12:20
東網電視
更多新聞短片
能夠做到一家人已經係緣分。

藝人董敏莉(Monie)懷胎十月,日前終於開刀誕下女兒,重7.2磅。Monie透露老公在產房陪產,一起迎接新生命來臨:「我專登揀同自己生日開刀,以後方便一齊慶祝,點知囡囡同我同月同日同磅數出世,真係緣分!我哋一早已經幫囡囡改好名,中文名叫子子,英文叫Martha。成個過程都好順利,初時都會餵人奶,希望畀到最好嘅營養BB。」

肌瘤大阻礙產道被逼開刀

Monie指生產過程驚險,因肌瘤頗大阻礙產道,增加手術風險:「醫生都講明有危險性,驚失血過多,有二千分之一機會要切除子宮,最終醫生盡力幫我止血,大小平安。」她又透露因肌瘤大,可能半年後需要切除。

唔介意囡囡入行

Monie為產女停工兩個月:「電台主持嗰度我就請咗兩個月假,到我身體回復之後就會返去開咪。其實大肚期間都有好多媽咪級嘅廣告搵我,睇來我都已經開拓咗一個新嘅市場。(會唔會考慮母女檔上陣? )咁長遠梗係未諗啦,如果阿女好似我咁靚,爸爸又准許的話,都唔介意佢入行嘅。」