「食」出兄弟情!吳啟華讚阿哥好叻

20181128
東網電視
更多新聞短片
吳啟華讚吳啟明廚藝好了得。
早年在無綫常被觀眾認錯樣的兩位兄弟吳啟明(55歲)和吳啟華(54歲),二人只差一歲,性格各異,啟明明顯較低調,而啟華則愛熱鬧愛蒲。啟明稱與啟華的兄弟情基本是不錯,但總是同一屋簷下卻培養不到太厚的感情,直至啟明搞餐廳,才令兄弟情走得更埋,他說:「我哋兩個細路仔嗰陣,我就跟外婆,佢就跟契嫲生活,到十幾歲一齊去英國留學,嗰邊階級觀念好重,高班只能同高班同學玩,所以就算我哋住同一宿舍都少見,返港後又先後入無綫,我入去時佢就離開TVB,嗰時係一齊住,但我拍劇時雖然唔係主角,但幾套一齊開就冇乜時間返屋企,而啟華就出咗去拍電影,又係好少見面,但見都會有偈傾嘅,反而依家人大咗唔係一齊住,我每年幾次家庭聚會大家先會見,但我搞餐廳後,佢覺得我煮啲嘢唔錯,成日嚟食,又帶朋友嚟,所以仲見得多咗,感情係唔錯㗎!」
至於啟華受訪時說:「我阿哥啲廚藝好了得,喺屋企食過佢整啲牛腩,真係好正,所以我成日帶拍戲嘅朋友去捧場,我哋感情都可以話從(食)而走得更近。」
----------------------------
東網巨星開咗ig喇,大家快啲follow啦!