【50-1】郭可盈生日　全家總動員出動慶祝

尋日49歲生日嘅美魔女郭可盈，喺微博上載多張慶祝照片，留言：「我要我愛和愛我的人，每年都一起《共同渡過》！」可盈晒出一家人大合照，包括細佬郭可頌、弟婦熊黛林及其一對孖女Kaylor同Lyvia，當然唔少得老公林文龍同女兒津津，加埋十幾人，真係非常熱鬧！而除咗有三個蛋糕及大壽桃，枱上嘅巨型發光煎堆同「一柱擎天」拉糖絲相當吸睛！

而可盈另外又上載一家三口合照同之前慶祝嘅相，網民都祝佢生日快樂同永遠幸福，又大讚佢Keep得好好，一家顏值都好高呀！