留鬚變Man　爆肌龐景峰挑戰新造型

藝人龐景峰（Andrew）最近為增髮品牌拍攝宣傳照和廣告，分別示範三個頭髮造型，包括斯文暖男、粗獷型男及型格登台Look。

Andrew拍攝一個月前已經開始刻意留鬚營造Man爆感覺，為呈現爆肌效果，未埋位的時候更把握時間做掌上壓、平板支撐等熱身運動。另外，導演要求Andrew展現Breakdance hand stand動作，但亦難不倒有集武和跳舞底子的他。

對於首次擔任品牌代言人，Andrew表示請教了母親郭秀雲意見，郭秀雲說：「做一個成功藝人，要習慣無論任何造型都要投入角色，覺得Andrew carry新髮型好自然，我自己就最鍾意型男滑水Look，唔同平時乖乖仔一面，充滿陽光活力，畀人好charming嘅感覺！」