大讚風趣幽默　談善言爆陳錦鴻口頭蟬

藝人談善言於ViuTV新劇《婚內情》與陳錦鴻不乏對手戲，日前她出席該劇拜神儀式時，透露只要錦鴻現身片場便很有趣，她謂：「佢會講好多嘢，一件簡單事可以講半個鐘，上至健康、下至人生常談都講到，聽完有得着㗎！好似之前佢話我虛，叫我食多啲黑豆，因為佢好識養生，平時開工都有準備薑茶畀大家，大家都好鍾意佢，佢仲有個口頭蟬係『梗係得啦！』真係好搞笑！」

已為該片開工兩個月的她，預計本月尾便順利煞科，由於日以繼夜開工，結果捱出病來，就連聲音也變得低沉，她謂：「好在個角色係要求我用呢個tone講嘢，咁病緊就啱晒。」