譚炳文多毛病唔肯開刀 盧海鵬通波仔要人氹
20181130
東網電視
更多新聞短片
譚炳文（小圖左）與盧海鵬（小圖右）及一眾老友出席活動好熱鬧。
藝人譚炳文、盧海鵬、朱咪咪及鄧英敏等到尖東出席節目活動，介紹《十一哥，攪邊科？》及《阿丘電視》等新節目。譚炳文手持枴杖現身，上落台亦要人攙扶。問現年76歲盧海鵬早前被拍到由養和出院？他表示入院一晚做通波仔手術：「做咗都唔知！（戚美珍陪你？）係呀，好多人陪我！」他坦承不想做手術，但戚美珍和杜琪峯等叫他去。問是否要人氹？他說：「都冇咩事，做嚟做乜？做唔做都一樣。（做咗唔使人擔心？）呢個另一回事，都唔知會唔會突然『叮』！」
至於戒口，譚炳文代盧海鵬答：「一定要戒煙、戒鹹同肥膩食物。」盧海鵬自言通波仔前已因糖尿病已經戒口。而譚炳文表示自己十多年前做過搭橋手術：「當時喺新加坡登台，突然有事就返香港做手術，最初以為通波仔，點知導管都唔得就搭橋，做咗11個鐘，喺胸口劏開。」
譚炳文每兩個半月覆一次診，暫時沒甚麼事：「不過有事就走㗎喇，鬼叫有心臟病咩，我睇得好開，阿女都有陪我。」談到行動不便，他透露腰部有問題，神經線被軟骨壓住：「腳冇力，行得唔好，會痛同扯住。可以做手術嘅，但係有危險性，有事會癱甚至死，我都80幾歲，做嚟做乜吖。依家做物理治療，希望情況唔好差落去。」他表示試過很多醫療方法但沒有效用，覺得後生才有用。
----------------------------
東網巨星開咗ig喇，大家快啲follow啦！