顧美華不收分文 馬浚偉大銀幕塑造母子情
20181130
東網電視
更多新聞短片
馬浚偉邀請顧美華演出舞台劇版及電影版的《生前約死後》。
資深女星顧美華與藝人馬浚偉（Steven）一見如故，年前馬浚偉曾向顧美華提意將自己與母親的故事改篇，終於寫成劇本《生前約死後》，準備搬上舞台，顧美華亦爽快地答應由美國返港，為他獻出「第一次」舞台劇演出。而馬浚偉鐵定明年4月再將二人這份「母子情」由舞台伸延到大銀幕拍成電影。據悉，電影的製作費有限，顧美華答應不收分文，令馬浚偉萬分感激，承諾屆時賣座理想的話，顧美華會獲得分紅！
馬浚偉與顧美華齊齊打開心扉，沒有掩飾現實中同樣經歷過喪失至親的心靈傷痛，前者喪母之痛相隔接近20載仍記憶猶新，後者更坦言：「兩年之內我冇咗3個至親。當初我決定離婚，亦唔知究竟係啱定錯，好彩依家搵到個真正了解自己嘅人。年輕時我對囡囡嘅管教好嚴厲，淨係識打同鬧，後嚟我問番佢哋覺唔覺得媽咪好惡，佢哋竟然話：『乜唔係應該咁嘅咩？』」顧美華直言身邊有朋友對親情相當冷漠，令她印象難忘：「有朋友爸爸仙遊，個個走去安慰佢，點知佢輕描淡寫話『好閒啫』。」
唔介意收個契仔
馬浚偉自言多年來疏忽了父親，不過自從媽媽離世後，父子倆的感情十分好，不時相約見面，一家人感情十分好。問單身多年的他有否遭爸爸催婚？馬浚偉說：「真係冇喎！」縱使刻下身邊不乏異性，但他卻一切隨緣。問到顧美華可會就馬浚偉的感情事「畀意見」？她爽快回答：「乜嘢都可以幫，唯獨感情事旁人唔可以過問。」
馬浚偉則笑言與顧美華無論五官及膚色愈來愈相近：「雖然我媽媽生前學識唔多，不過佢嘅斯文及儒雅同美華姐真係異曲同工，其實我第一眼見到美華姐，已經話佢知，佢好似我媽媽。」顧美華則笑言「唔介意多個仔」﹕「事關我生咗兩個女。（上契？）呢啲就要睇緣分喇。」
顧美華化妝及髮型：Kimmy @KAZAF
場地提供：如心艾朗酒店
----------------------------
東網巨星開咗ig喇，大家快啲follow啦！