公開戀情?余德丞冧爆挨實蔡思貝激讚投契

2018年12月01日 09:29
東網電視
更多新聞短片
仲唔係示愛?

藝人余德丞(Dickson)日前孖住緋聞女友蔡思貝一齊主持旅遊節目《緬甸奇幻旅程》,有傳二人因拍節目撻着。Dickson仲毫無避忌喺社交網上載二人親密合照,佢更合上眼,好冧咁將頭挨落對方膊頭,畫面十分甜蜜。

佢仲留言表示二人性格大不同,但卻如此合拍:「佢鐘意睇書 我鐘意睇波 佢鐘意刺激 我鐘意舒適 佢唔鐘(鍾)意俾(畀)人控制 我鐘(鍾)意控制人 可能就係因為咁 當我亂咁噏當秘笈 佢會講埋我份台詞 當我認真同人溝通緊 佢會係(喺)汁(側)邊輕鬆慢慢等」 留言令傳言更加撲朔迷離!

不過,佢其實係為「最受歡迎電視拍檔」拉票,仲讚思貝係最佳拍檔,搞到好多網民以為佢公開戀情,不過都留言大讚佢哋好襯,愈嚟愈有夫妻相!

其實佢哋真係好Close嘅,兩人曾多次喺公開場合耍花槍,Dickson試過當眾跪地求婚,仲見過女方父母,又齊齊擺出心心甫士,仲直認偏心思貝,戀情疑幻似真!而喺Dickson踢波突然昏迷入院時,思貝第二日已兩次到醫院探訪,感情相當深厚!