【激似冇着褲】梁烈唯大髀驚現神秘瘀傷

藝人梁烈唯今早喺微博留言：「一早醒來，就發現⋯⋯！」佢仲上載咗張大髀相，見佢損咗仲一撻撻瘀傷，連自己都唔知點造成，不過唯唯現正忙拍邵氏網劇《飛虎之雷霆極戰》，有不少動作場面，一唔小心就好易受傷，可能有時整親都唔知咩事！

唔少網民都叫佢小心，不過亦有網民放重點，話佢一朝早就露肉，令人有唔少遐想，唯唯就笑言有着褲㗎！