為古天樂集氣！祖兒：《今期流行》係必殺

天后容祖兒到跑馬地出席慈善跑活動，為參加人士打氣，又帶領小朋友做熱身運動。受訪時，提到入圍「叱咤樂壇我最喜愛的女歌手」五強，她笑言最開心是古天樂（古仔）入圍「叱咤樂壇我最喜愛的男歌手」五強：「好開心有呢個畫面，好想投票，想將女歌手嗰票投埋畀佢。（想聽佢唱咩歌？）求其啦，《今期流行》係必殺！」她自言是首個在廣告中要求古仔唱歌的人，大感靈驗：「如果佢唔去，希望至少拍啲片啦。（好友陳奕迅同張敬軒都有入圍？）冇所謂啦，軒仔深入民心，大把路行，但今年最想睇古仔。」

至於已故歌手盧凱彤亦有份入圍「叱咜樂壇我最喜愛的女歌手」五強，祖兒表示：「可以見到大家都好掛住佢。（想佢攞多過自己攞？）一切在心中啦。（你已經入圍好多年？）多謝大家支持，大家心中有我嘅位置我就心滿意足。」她坦言最想看身為演藝人協會主席的古仔到時上台發言，講述來年對音樂及演藝圈的展望：「再唱埋首歌就完美！（想唔想同佢合唱？）睇吓主席嘅意向、有咩差遣，同埋有冇時間。」戰衣方面，她表示會找，但不用太刻意，最重要是大家為古天樂集氣。