扮斯文溝台女團 吳業坤點到即止唔使猴擒
20181201
東網電視
更多新聞短片
吳業坤刻意打扮斯文，令台灣女團留下好印象。
歌手吳業坤出席《Mikiki．飛天小女警「Christmas Power Up!」》揭幕禮，與台灣新進女子組合ALL-RANGE、藝人張彥博、唐嘉麟（KT）主持揭幕儀式，幾位嘉賓亦大玩遊戲，又即場獻唱新歌，吸引不少粉絲及途人圍觀。
以一身紳士造型現身的吳業坤直言是為令台灣女生留下好印象才悉心打扮，還換上較斯文的眼鏡上陣，面對台灣藝人，他說：「冇同香港藝人玩得咁埋，要斯文啲，留好印象。KT教我同台灣女生講『可不可以加你的line？』要小心，唔可以讀錯，如果唔係會好尷尬！（有冇抄牌？）唔夠膽，要點到即止，除非佢哋主動，費事覺得香港男仔猴擒。（怕傳緋聞？）傳緋聞唔緊要，破壞香港男生形象就唔好啦！」
阿媽上咗旅行癮
聖誕節將至，他表示不用工作，有一個小假期可以休息一下：「想過一個凍嘅聖誕，不過啲機票好貴，再研究。前排同我阿媽去倫敦旅行，又陪我去法國工作，佢去旅行去到上咗癮，有時間希望可以陪佢多啲。」
----------------------------
東網巨星開咗ig喇，大家快啲follow啦！