【家教好嚴】江嘉敏為與男友同居解畫

20181201
東網電視
更多新聞短片
江嘉敏否認搬屋兼同男友同居。
藝人江嘉敏(Kaman)現身商場活動時,提到有指她搬到男友家附近密謀同居,她否認:「我唔係搬,只係之前颱風『山竹』搞到屋企水浸,好多傢俬都浸爛咗,屋企需要輕微裝修,所以我就將啲傢俬搬走。(搬去男友家暫住?)唔係,如果要返工,我就去朋友屋企暫住,唔使返工就住喺媽咪嗰度。(朋友屋企好近男友屋企?)唔算好近,只係同區。(未同居?)未咁快,女仔要有啲矜持,我屋企家教好嚴,畀阿媽知道會要我跪玻璃。」
媽咪唔心急見面
問到見過家長未?Kaman說:「未咁快。媽咪對我同男友嘅新聞冇乜反應,冇話主動要見,佢唔心急,穩定啲先。(因為成日換畫?)家教好嚴,唔會成日換畫。(有冇因為同居新聞唔開心?)唔會,我好少睇新聞,唔會深究。」
聖誕要開工拍劇
至於聖誕,Kaman稱要拍攝劇集《殺手》,預計在工作中度過,問到男友屆時會否探班?她坦言:「睇佢有冇時間,我唔知佢使唔使返工。(畀個驚喜你?)你要問佢喇!」
----------------------------
東網巨星開咗ig喇,大家快啲follow啦!