「葉問」晒琴技！甄子丹出招冧爆汪詩詩
20181203
東網電視
更多新聞短片
能文能武係叻！
有「宇宙最強」之稱嘅甄子丹出晒名打得，佢演嘅「葉問」角色深入民心，喺街見到佢嗌佢做葉問隨時多過叫佢個名，不過唔好以為佢淨係識打，其實佢能文能武，彈琴都有一手！
近期趁住有空檔，甄子丹就同太太汪詩詩去咗唔同地方歎吓二人世界，依家身在馬爾代夫嘅佢哋除咗享受陽光與海灘之外，汪詩詩喺社交網上載咗啲相同片講吓食晚飯嘅情況，當中最特別係甄子丹食食吓飯借咗部鋼琴嚟彈，開頭餐廳駐場琴師喺隔籬睇住怕佢唔識彈，見到甄子丹彈咗一段之後就好放心咁交咗個琴畀佢，之後佢就solo彈咗首歌，配埋佢一身白色嘅打扮真係型到爆！難怪汪詩詩都有冧豬留言狂讚老公有天分，唔少網民都戥佢搵到位睇得、打得又彈得嘅老公開心。
----------------------------
東網巨星開咗ig喇，大家快啲follow啦！