【娛場】阿夢唔覺被醜化：我想帶畀人歡樂

「我雖然冇渡邊直美咁出色，冇細細粒（陳嘉佳）咁可愛，冇欣宜唱歌咁好聽，但我阿夢會好努力好努力，成為一個好演員！」由王祖藍一手發掘的阿夢（睡公主），從參演《萬千升呢福祿壽》的鄉下小姐，到無綫劇集《老表你好hea》中，飾演林子善的女友，同張繼聰嗌交的一幕，形象都非常突出，更令我們捧腹大笑！原來能夠成為一個演員，是阿夢一真追求的夢想：「我希望大家見到我，或者我嘅演出，都會覺得好開心！」

講到招牌的熊貓化妝look，阿夢笑言：「本來冇咁黑㗎！係自己成日捽眼，所以咪化晒囉！醜化我？我唔覺喎！都係一個形象啫！」而分別在《老表你好hea》和《玩嘢王》內激咀林子善，李思捷和曹永廉等，阿夢就謂：「冇乜特別感覺喎！當時都係投入去做，乜都冇諗到！」

對於囡囡醉心演藝事業，阿夢的媽咪就表示全力支持：「阿夢由細到大身體都唔好，經歷咗好多困難，先走到呢一步，所以只要佢開心同體健康，佢做乜嘢，媽咪都會好支持！」想知道阿夢更多內心感受，即刻收睇【娛場】啦！