再次代表香港！王詠珩出戰世界小姐晚晚失眠
模特兒王詠珩（Wing）去年代表香港出戰國際小姐，今年她再度出征參與世界小姐，與來自一百多個地方的佳麗競賽，早前她已出發前往三亞比賽。Wing坦言因為有關單位在賽前個多星期才邀她出賽，她有感時間緊迫，擔心準備不足，故一度推辭，但最後在家人鼓勵下決定一試。
得一星期時間籌備
Wing接受東網訪問時說：「家人講得好啱，其實冇嘢可以輸，但攞到嘅經驗係自己，就算準備充足都未必一定會贏。」她表示賽前要找贊助商提供近三十套晚裝出賽，大會又規定每位佳麗都要跟慈善機構合作一個慈善項目，雖然只有一星期時間籌備，但幸好最終也一一迎刃而解，不過就因壓力太大而每晚失眠。
到埗發現唔見行李
Wing透露去到三亞參賽時更發生小插曲：「到埗就發現其中一件行李唔見咗，入面有我當日要着嘅泳衣同化妝品，我好擔心，成個人灰晒，惟有問其他佳麗借衫，好在大家都好好人。」Wing自言從未想過在世界三大選美盛事中，自己可以代表香港參加其中兩項，加上可以認識來自世界各地的佳麗，所以無論輸贏，已感滿足。
----------------------------
東網巨星開咗ig喇，大家快啲follow啦！