沖繩出嫁！李麗珊喊到收唔到聲

香港開電視藝人李麗珊（Lisa）上周六與圈外男友於日本沖繩舉行婚禮。Lisa雖然與男友拍拖不久，但在對的時間遇上對的人，故有「閃婚」的決定，望大家送上祝福。新娘子Lisa表示：「行禮當日，一切都好似睇戲咁，只係自己做主角。因為婚禮由婚禮公司負責，參加婚禮的都是雙方的家人和兄弟姊妹，所以我們心情都好輕鬆，唔會緊張。」

行禮前有進行綵排，以為一切好順利，誰知行禮時，Lisa翹住爸爸慢慢步入教堂，她說：「喺爸爸將我隻手交畀未婚夫嗰一刻，見到爸爸雙眼通紅，眼淚快流出來。我即時『中箭』，眼淚鼻水一齊流出來……嗰一刻可以話係人生中最感動嘅畫面，眼淚自動流下來，強忍都搞唔掂。」