連詩雅加盟星夢 周柏豪送驚喜
20181204
東網電視
更多新聞短片
連詩雅正式加盟星夢。
歌手連詩雅（Shiga）今日宣布正式加盟星夢娛樂（星夢），於尖沙咀一間酒店舉行加盟儀式，除了老闆何哲圖（Herman）有到場見證之外，一眾同門師姐、師兄包括吳若希（Jinny）、何雁詩、菊梓喬（Hana）、戴祖儀、林穎彤、谷微及伍富橋都有現身恭喜，陣容鼎盛﹗Shiga以一襲喜慶鮮紅色一字膊、高衩長裙從後登場，大晒香肩、高貴優雅！
同門師兄周柏豪的驚喜片段，甫開始柏豪笑話好耐冇見，繼而開心謂恭喜對方進入人生新階段，Shiga回應指他就好似自己的大哥哥，由未出道就開始被他照顧︰「成日撞完板都會教番我，雖然佢今日嚟唔到，但都有Send Message嚟恭喜、鼓勵我，都好感激佢！」
席間Herman大讚Shiga是一位有實力、才華的歌手，好開心對方加盟星夢，令公司氣氛更好，又透露早年已提議過想同Shiga合作多次，今次終可謂夢想成真，希望於往後日子合作愉快。身旁Shiga即表示非常緊張，連講了三次好開心︰「覺得Herman好Nice，好願意解答我所有嘅問題，好安心、放心，喺嚟緊嘅日子會繼續努力，都想盡快出歌，唔會放過任何唱歌機會，劇歌都會係一個新嘗試。」續多謝所有師姐、師兄到場支持︰「好開心加入呢個大家庭，和和洽洽相處。」然後舉行簽約儀式。
期後眾星夢歌手都有分別上台祝賀Shiga，其中Hana打趣話自己不是師姐，又賣口乖大讚對方人靚聲甜，並指公司從此百花齊放；曾經合作拍《使徒行者2》的何雁詩，則抵死笑話Shiga加盟後成功拉高全體歌手的高度，再笑指二人性格相似，期待之後再有合作機會。
----------------------------
東網巨星開咗ig喇，大家快啲follow啦！