變身Captain Nancy!薛家燕同胡楓鬥舞

2018年12月04日 21:31
東網電視
更多新聞短片
紅館騷開鑼!

藝人薛家燕為紀念入行60周年,一連兩場《薛家燕愛你無限60年》紅館演唱會今晚開鑼,披上銀色斗蓬、黑橙色緊身衣的她以戰士造型高唱《Captain Nancy》登場,全場觀眾大聲喝采。她在台上又自爆十幾歲時卜卜脆很多人追,接住第一位嘉賓胡楓(修修)上台,修修穿上Sharp醒黃西裝,非常搶眼,兩人合唱《往事只能回味》,又大鬥舞技,唱完後家燕表示多謝他,修修即說:「唔好講多謝,多謝你請我上嚟,我覺得好榮幸,見到咁多觀錫你都好開心。」家燕笑言:「我8歲就做修修個女,之後做佢個妹,再做情人,差啲就鍾意咗修修,年年送聖誕卡畀佢。」修修續說:「係啦,佢年年都送卡畀我,搞到我有啲內疚,因為我冇乜點覆。佢依家唔再寫畀我,大紅大紫,唔得閒。」家燕即笑笑口說:「依家WhatsApp咪得囉,你都成日用WhatsApp。」

家燕唱《乜都盞》時圍繞台邊行,同觀眾打招呼,還搞笑說:「歡迎你哋,仲唔起身?」當她落台換衫時,台上大銀幕播放一系列家燕入行做戲的片段,由鄭丹瑞做獨白。之後她換上七彩緊身Bling Bling晚裝高唱《開心女人Cha Cha Cha》,又與Dancer共舞,唱罷她說:「多謝大家嚟睇演唱會,喺呢行做60年真係唔簡單,過程有起有落,仲會有啲苦嘅時間添,但係我都一一接受,因為過程中學到好多嘢,認識到好多朋友,喺工作上好支持我,都好感恩身邊有佢哋同你哋,所以呢個演唱會請到好多好朋友嚟參與。」現場有好多人圈中去捧場,好似有吳若希夫婦、曾江夫婦、歐陽震華夫婦、朱慧敏、米雪、溫柳媚、林盛斌、姜麗文、盧海鵬等。

----------------------------
東網巨星開咗ig喇,大家快啲follow啦!
https://bit.ly/2JjSVcr