「老闆娘」福利！陳庭欣?森美出浴
20181204
東網電視
更多新聞短片
陳庭欣男友邀森美做代言。
無綫小花陳庭欣（Toby）和坐擁過億身家的美容業老闆楊振源（Benny）頻頻在社交平台放閃晒愛，感情穩定的二人，不介意人前恩愛，今次Benny以7位數字酬勞，找來森美大晒胸肌為旗下沐浴露擔任代言人並拍出浴廣告，拍攝當日女友Toby以老闆娘姿態，煲埋花膠湯去拍攝現場探班，私下分屬老友的森美，即以半裸晒胸肌來恭迎，Toby即送上愛心靚湯補身，她說：「嗰日落雨又凍，所有人都好照顧森美及小演員，怕佢哋冷親！」不過，壯健的森美卻全程交足功課，在泡泡浴中與小演員玩潑水，大晒暖爸形象。
今次老闆Benny沒有因利成便，給有「咪神」稱號的女友上陣拍沐浴露廣告，問是否想收歸所有，不想性感再展露人前？Toby坦言二人公私分明：「今次男友個產品係想Sell家庭路線，所以搵咗好老公、好爸爸形象嘅森美嚟做代言，遲啲佢話有隻Sell高貴路線嘅產品，先搵我幫手！（自己人唔計酬勞？）工作方面我哋好獨立，我同TVB有合約，交番畀公司傾啦！」
Toby稱男友自有其公司的策略，即使選中森美做代言，自己事前亦不知情，所以並沒有甚麼友情價存在，她說：「森美形象好，擁有大班師奶絲，對男友決定予以百分百信心！（老闆娘駕到人人醒神？）我第一次去探男友班，當時個個都好專心做嘢，冇人理我喎！（幫得手？）都係幫手拍啲片做宣傳，（男友大讚？）哈哈！其實個個都好專業嘅！（有冇獎勵？）男友月中生日，我都會陪佢去旅行慶生，大家去吓旅行輕鬆吓都算獎勵！」
----------------------------
東網巨星開咗ig喇，大家快啲follow啦！