神癦指路！古巨基狂捽薛家燕寶石
20181205
東網電視
更多新聞短片
沾沾旺氣都好～
入行60周年的藝人薛家燕舉行處女騷「薛家燕愛你無限60年演唱會」慶祝，家燕於娛圈相識滿天下、人緣極好，一開騷便獲四方八面好友力撐！其中王梓軒與閃爆街舞造型的家燕跳住Hip-Hop舞唱《弟子規》，認真潮爆！
另一嘉賓謝天華以一身黑、紅西裝打扮，甫出場就同火辣女Dancer挑機晒舞技，但一見到身穿鮮紅色拉丁「戰鬥格」舞衣、裙尾流蘇間若隱若現美腿的家燕上台後，便交足戲拋棄女Dancer與家燕共舞，更跳到鼻貼鼻，令全場觀眾不禁尖叫！自稱「大笑哥」（Laughing哥）的謝天華跳到興起話要除衫，仲問家燕是否介意？豈料家燕神回：「我唔介意你除，但大家會介意我除！」二人跳到最後，由謝天華雙手「公主抱」起家燕，其雙腳穩固非常紮實，成功完成Ending Pose，獲觀眾拍照大讚精彩！
曾與家燕合作客串主持《流行經典50年》的古巨基（基仔）亦有任嘉賓，造型百變的家燕是次換上黐有七彩飾物的黑裙與基仔合唱《友共情》，期間基仔主動提出要求要摸家燕粒「神墨」：「外傳《復仇者聯盟》第七粒寶石落喺你額頭上面，每次見到你都感受到粒寶石嘅氣場，自己一直都想感受呢粒寶石嘅威力，傳說輕輕一碰就會令全場尖叫！」家燕答允要求後，瞇埋眼等被摸「神墨」，被基仔笑話自己似奪對方初吻，更摸完又摸，摸捉4次，更果然尖叫聲四起！而家燕亦形容呢粒是明燈，一路上照住自己遇到不少貴人。
----------------------------
東網巨星開咗ig喇，大家快啲follow啦！