新歌係《無賴》2.0！鄭中基隊Band名緣於…
20181205
東網電視
更多新聞短片
鄭中基話段Band個名係佢自己改。
歌手鄭中基（Ronald）、鄧建明（Joey Tang）、Kevin Boy和填詞人梁栢堅到電台宣傳新歌《廢中》，Ronald表示：「對上一次演唱會我哋整咗呢隊Band『嚿飯咁』，當時首歌剩係唱『嚿飯咁』試吓水溫，結果反應唔錯，所以隔咗兩年我哋做咗首歌，其實我都想搞隊Band好耐。」
用番以前改嘅名
講到新歌內容，梁栢堅表示：「廢青之後就係廢中，之後就再到廢老，其實呢首歌都算係《無賴》2.0 ，當日無賴會唔會變成有用嘅人，首歌都有啲答案。」Ronald又笑言隊名是自己改，當年有個節目叫做《范後感》：「兩個主持成舊飯咁，佢哋係用自己名，我就話佢哋咁呆，可以叫『嚿飯咁』當然佢哋冇用，咁我就用番。」
得閒再加場
另外，Ronald透露演唱會加開初五，即2月9日的一場，本月12日會開始售票，同樣第一日不設排隊售票。問到可是堅持不會初三加場？他笑言：「係呀，我都唔想把聲沙。」他透露現時合共5場，問到可會再加場？他表示：「唔知呀，雖然我都得閒。」他表示之後就是月底的鄭伊健演唱會，又笑言完騷後可能是自己幫手拆台：「踩爛個台。（咁你仲有空間加場？）唔知呀。」問到可還有很多飛債纏身？他笑言今次學精，全交給同事處理。
----------------------------
東網巨星開咗ig喇，大家快啲follow啦！