塔手銬變死狗　黃子恆：對做過嘅嘢會負責

無綫藝人黃子恆被爆出食國產粉絲，女方更聲稱懷孕，但他否認是BB經手人。今日在經理人及工作人員陪同下現身開工，他於下午4時50分完工準備離開現場，見他快步欲上車離開，期間他有向傳媒雙手合十示意。由於他在戲中，和疑犯一人塔一邊手銬，故口噏噏向工作人員示意手銬未除。問到他可有和女粉絲再聯絡？他向傳媒說：「我着制服唔方便做訪問。」之後他上了車，換衫後再落車受訪。

問到現在心情如何？他說：「想講嘅好簡單，呢年半冇同佢見面㗎喇，所以若果佢所講嗰件事係有發生嘅話，我係會負責任嘅。（有冇再搵嗰個女粉絲？）要回應已經回應咗。」再問為何事隔年半，女方才有此舉動？他沒有作聲，又抿着嘴及縮膊。問他心情可影響其工作？他說：「心情點都會有影響。」至於如何處理及解決事件？他又沉思十秒才再開口說：「畀我冷靜吓先。」問他是否有需要時會驗DNA？他說：「如有需要我係會配合嘅。」問到有否嬲自己？他沒有說話，期間又不停將訪問咪還給傳媒，又說：「已回應已回應。」再問到無綫高層可有照肺？他說：「有了解過呢件事。」之後還咪給傳媒再企定定拍照。問他可擔心影響形象？他亦是無言，只望鏡，之後就上車離開。